FEU umuwing bigo sa 5-set match kontra AdMU
FEU Advocate
August 27, 2023 11:04
Hindi nagtagumpay ang Far Eastern University (FEU) Tamaraws na masungkit ang pangalawang panalo matapos talunin ng Ateneo de Manila University (AdMU) Blue Eagles, 22-25, 23-25, 25-18, 25-23, 13-15 sa men’s division ng 2023 V-League Collegiate Challenge kaninang hapon, Agosto 27, sa Paco Arena sa Manila City.
Tuloy-tuloy ang naging bakbakan at dikit na labanan ng dalawang koponan sa unang set pa lamang ng laro. Patuloy na humabol ang Morayta-based spikers upang makalamang sa puntos matapos lumikha ang Blue Eagles ng service errors.
Ngunit, nahirapan umahon ang mga Tamaraws dahil sa sunod-sunod na atake ng Blue Eagles outside hitter na si Jian Salarzon, 22-25.
Sinubukan namang bumawi ng green-and-gold squad sa pamamagitan ng paggamit nila ng panibagong estratehiya sa blockings upang opensahan ang mga atake ng kalaban.
Sa tulong ni opposite hitter, Zhydryx Saavedra, nagkaroon ng tyansa ang FEU na lumamang sa puntos sa kalagitnaan ng pangalawang set. Mabilis pa rin itong nabawi sa Tamaraws pagkatapos magkaroon ng labis na net touches, 22-24.
Naging matagumpay naman ang pangatlo at pang-apat na set dahil sa patuloy na pag-diskarte ng mga Tamaraws sa pag-atake. Nagkaroon ng pag-asa ang Morayta-based spikers pagkatapos humina ang atake ng Blue Eagles sa blockings ng bola, 25-18, 25-23.
Bumaba ang depensa ng Tamaraws sa loob ng ikalimang set pagkatapos itong bawian ng opposite hitter ng Blue Eagles na si Ken Batas ng mga matinding palo, na nagresulta ng kahulihan sa puntos ng FEU, 13-15.
Nanguna ang sophomore spiker ng FEU na si Saavedra na nakapagtala ng 21 na puntos sa kabuuan ng laro.
Kasalukuyan na nasa 1-2 win-loss record ang FEU at susubukan nitong tiyakin ang pangalawang panalo sa susunod na laban kontra University Perpetual Help System DELTA sa Agosto 30 sa parehong lugar.
-Paula Jasmine P. Bronoza
Other Stories
Withering Daisy
August 15, 2018 11:39
Nazarene festivities end early in 16 hours
January 10, 2020 14:27
TAMang Boto: Strengthening political transparency through fact-checking
September 29, 2022 19:28
Coach Salak aims to win remaining games in round 2
March 25, 2023 12:35
Lady Tams arrest 2-game slide, pounce on injury-plagued UST
March 02, 2019 12:39
FEU Law profs denounce Assoc. Justice Leonen impeachment rap
December 18, 2020 02:00
Silakbo ng Pagtuturo sa Kabilang Ibayo: Pakikipagsapalaran ng Isang Gurong Dayo
October 28, 2020 12:52
DepComm professor wins special mention award in Dreamanila
December 06, 2021 03:42
FEU unveils Sports HOF Room, launches Volleyball Diaries
September 24, 2021 11:23
FEU tallies 21 medals in UAAP 86 Athletics championships
November 28, 2023 10:34