Organisasyong magsusulong ng wikang Filipino sa FEU, itinatag
FEU Advocate
May 16, 2021 11:41
Ni Agustin F. San Andres, Jr.
Sa pagpapaigting ng hangaring palakasin ang paggamit ng wikang Filipino sa loob ng kampus, matagumpay na binuo ng Far Eastern University (FEU) Tanggapan ng Larangan ng Filipino kasama ng mga piling estudyante ang FEU Buklurang Mag-aaral sa Filipino (BUMAFIL).
Sa pakikipagpanayam ng FEU Advocate, ipinaliwanag ni Jessica Lois Due, pangulo ng FEU BUMAFIL na hindi naging madali ang pinagdaanan ng organisasyon nang makamit ang rekognisyon.
“Inabot kami ng halos isang taon bago ito nabigyan ng rekognisyon. Isang malaking dahilan dito ay ang nangyayaring pandemya sa bansa. Dahil limitado lamang ang pisikal na pagpasok sa unibersidad ng mga taong kaugnay sa pagrerebisa ng aplikasyon, [kaya] nabinbin ang sana ay mabilis na pagpapasa nito,” saad Due.
Ibinahagi rin ni Due ang mga layunin ng organisasyon kabilang na rito ang pagkakaroon ng espasyo, pagtataguyod, at pagpapamalas ng lakas ng wikang Filipino sa loob ng Unibersidad.
Aniya, maraming nakalatag na plano ang FEU BUMAFIL na mas lilinang sa kaalaman ng mga mag-aaral hindi lamang sa wikang Filipino.
“Sa katunayan, isa sa mga pangunahing proyekto ng organisasyon ay ang magsagawa ng isang webinar na makakapagbigay ng kaalaman at kamalayan tungkol sa iba’t ibang mga katutubong wika ng ating bansa at kung paano natin maiiwasan ang tuluyang paglipol ng mga ito. Bukod pa rito, plano rin ng organisasyong gamitin ang mga online social media platforms upang magbigay kaalaman at impormasyon tungkol sa mga usaping pang-Filipino,” dagdag nito.
Ayon pa kay Due, makakaasa ang lahat na ang kanilang organisasyo’y tatayong simbolo ng pagkakaisa ng bawat Pilipinong mag-aaral sa Unibersidad.
Naganap ang panunumpa ng mga itinalagang opisyales ng organisasyon noong Abril 30.
(Larawan mula sa FEU BUMAFIL/Facebook)
Other Stories
FEU Tamaraws secure commitment of Cebuano standout Montemayor
July 13, 2022 05:31
8 Couples tie the knot at FEU Plaza
February 13, 2016 19:05
Lady Tamaraws shock league-leading Lady Eagles to force a do-or-die match
May 05, 2019 17:14
In the Spotlight: Breaking Cultural Stereotypes and Prejudices
February 14, 2021 08:16
FEU DepComm prof wins at the 34th Gawad Alternatibo Awards
September 12, 2022 17:03
MJ-inspired FEUCS bags silver anew in UAAP CDC
November 18, 2019 18:07
FEU to end second semester as scheduled, students appeal to “new normal”
April 17, 2020 11:10
WRP student waiver under FEUCSO scrutiny
February 29, 2024 13:43
FEU succumbs to pressure, takes first loss vs DLSU
February 23, 2024 03:45
Ang paglipad ng pluma sa tiranyang mapanyurak
March 24, 2024 13:45