Sa Gabi
FEU Advocate
March 02, 2022 12:26
Ni Prince Thomas I. Siñel
Wala halos ang mga bituin at ang haring buwan sa madilim na kisame ng mundong ibabaw. Nakasakay na ng dyip si Martino: isinisingit niya ang online classes mula umaga hanggang tanghali sa trabahong hanggang gabi. Hirap man ang pamilyang pinadapa ng pandemya, nagagalak siya dahil hindi tulad ng gabi, ang binili niyang dibuho ng Manila Bay ay may araw sa bukang liwayway at pumapailalim ang umiindak na alon.
Hindi pa man nakapapasok sa bahay ay lumuluha na si Aling Teresa. Ilang linggo lamang ang lumipas nang sunduin ng mga anghel ang natatanging anak dahil sa naghaharing sakit. Ilang linggo na ring tumatakbo ang ina sa yakap ng awiting Malayo pa ang Umaga. Sa bulong ng saliw, natututo siyang maging matatag at matapang kahit mahaba pa ang gabi.
Sa katabing maliwanag na bahay ay natanggap naman ng empleyado na si Katherine ang tulang binayaran niya sa isang malikhaing manunulat sa Facebook. Nagtatrabaho o hindi, nakakulong siya sa bahay habang may sakit. Nababalisa man, malaya siyang nakagagalaw sa umagang dala ng mga titik.
Hindi magtatagal ay maghahanda na ng hapunan ang kaniyang anak, ngunit nang malaman ang tungkol sa Trese, agad na nanood ang kilala sa kalyeng ito na si Lolo Urbano. Sa kaniyang makulay na isipan, siya ang bayaning gagapi sa mga halimaw at siya ang bahaghari pagkatapos ng bagyo. Ito ang mga papel na kaniyang gagampanan magpatuloy man ang gabi.
Sa gabing madilim at namumuno, nabatid ng magkakapitbahay na darating ang umagang maliwanag at mapayapa—habang may dibuho, awitin, tula, at palabas.
(Ilustrasyon ni Jirah Bernal/FEU Advocate)
Other Stories
#DefendPressFreedom
February 15, 2019 20:02
FEU trounces UST in men’s football season opener
February 20, 2023 05:44
FEU's Cholo Anonuevo to chase NBA dream in int'l training
August 07, 2020 11:29
Cyber Stockholm Syndrome
March 14, 2022 09:40
FEU sweeps second round opening games against UP
March 25, 2023 06:52
Coach Dimzon looks forward to Finals appearance anew as FEU topples UP
March 23, 2024 10:48
Mga bagong student-lider ng FEU, inaasahang magpakita ng propesyonalismo
August 09, 2023 00:53
Depleted FEU squad out of final four in second straight year, bows down to UP
November 11, 2023 09:56
Lady Tamaraws succumb to Tigresses in homecourt dominance
October 20, 2022 11:07
FEU men's football standouts contend to raise Philippine flag at FIFA stage
March 05, 2024 12:23