Unang sesyon ng FEU House of Congress, inilunsad

FEU Advocate
August 29, 2015 21:57

Isinagawa ang unang sesyon ng Far Eastern University (FEU) House of Congress kanina sa Science Building 308. Ito ay pinangunahan ni Presiding Officer Joshua Valencia, bise presidente ng FEU Central Student Organization.

Dalawa ang naging paksa ng sesyon. Ang unang mosyon ay ang pasasama ng organization fee sa tuition sa ilalim ng miscellaneous fee ng mga mag-aaral. Ang ikalawa ay ang pagpapaigting ng konstitusyon ng Kongreso.

Bagama’t napagdebatihan na ang isyu, ang pagdinig sa pagsasagawa ng resolusyon sa pagsasama ang organization fee sa miscellaneous fee ay sinuspinde ayon sa napagkasunduan ng mga miyembro.

Napagdesiyunan na magsagawa na lamang ng hiwalay na pagdinig sa usaping ito. Sa kabilang banda, ang pagrerebisa ng Konstitusyon ay ipinagpaliban din dahil sa kakulangan ng oras. Ipagpapatuloy ito sa susunod na sesyon.

-Rohanisa A. Abbas